Вы тут

У Зэльве каля прыватнага дома знайшлі труп мужчыны

На месцы здарэння ў Зэльве / Следчы камітэт

10 красавіка праваахоўнікам паступіла паведамленне, што ў Зэльве каля аднаго з прыватных дамоў знайшлі труп мужчыны, інфармуе Следчы камітэт у сваім Telegram-канале.

Следча-аператыўная група, якая прыбыла на месца здарэння, выявіла, што гэта мясцовы 45-гадовы жыхар. На целе мужчыны былі выяўленыя сляды гвалтоўнай смерці.

Следчы камітэт пачаў крымінальную справу.