У Вялікабрытаніі магутныя хвалі змылі чыгуначную станцыю (відэа)
На гэтую краіну, а таксама на Францыю напярэдадні абрынуўся ўраган.
У некаторых раёнах хуткасць парываў ветру перавышала 40 метраў за секунду. Вялізныя хвалі змылі ў графстве Дэвон чыгуначную станцыю, пашкоджаныя чыгунка, берагавыя ўмацаванні. Рух цягнікоў немагчымы, ідуць аднаўленчыя працы. Спецыялісты кажуць, што на рамонт можа спатрэбіцца паўтары месяцы.
На шчасце, ахвяраў не было. Жыхароў бліжэйшых дамоў эвакуявалі, адзначае ВВС.
Фота — The Telegraph
