У Віцебску на пажары выратавалі дзяцей і іх маці
Ратавальнікі / mchs.gov.by
У Віцебску на пажары выратавалі дзяцей і іх маці. У суседняй кватэры, у якой нікога не было, здарыўся пажар. Як паведамляе прэс-служба МНС, узгаранне адбылося ў кватэры на другім паверсе двухпавярховага жылога дома па вуліцы Гагарына. З акна ішоў моцны дым. Палаючая кватэра была зачыненая, унутры нікога не аказалася.
З суседняй кватэры работнікі МНС выратавалі гаспадыню і яе дзвюх дачок 2020 і 2023 гадоў нараджэння. Пасля агляду медыкамі дзяўчынак і іх маці адпусцілі дадому.
mchs.gov.by
