У Віцебску да суда адпусцілі 76-гадовага Барыса Хамайду
Барыс Хамайда / facebook.com
У Віцебску да суда адпусцілі 76-гадовага Барыса Хамайду, вядомага актывіста дэмакратычнага руху. "Толькі што вярнуўся дадому, — піша ён у Facebook. — Амаль двое сутак знаходзіўся ў віцебскім СІЗА, там зараз знаходзіцца ІЧУ".
Пра затрыманне Хамайды стала вядома 23 студзеня. Яго суд прызначылі на 2 лютага. "Апошнім часам стала цікава жыць", — адзначае актывіст і абяцае напісаць пра апошнія падзеі "ў межах магчымага".
Днямі па ўсёй Беларусі адбыліся ператрусы ў былых палітвязняў і сваякоў палітвязняў. Праваабаронцы маюць звесткі, што пераслед зазналі больш за паўтары сотні чалавек. Некаторых з іх адпусцілі, але былі і тыя, на каго распачалі крымінальныя або адміністрацыйныя справы.
