У Ваўкавыскім раёне спецназ затрымаў беларуса, які вярнуўся з Польшчы
Аляксандр Мазец у атачэнні спецназу / t.me/viasna96/
У Ваўкавыскім раёне Гродзенскай вобласці ўзброены спецназ жорстка затрымаў беларуса, які сёлета разам з сям'ёй прыехаў з Польшчы. На відэа сілавікоў мужчына кажа, што жыве там ужо 15 гадоў, а 7 гадоў таму атрымаў від на жыхарства ў гэтай краіне. Затрыманне адбылося неўзабаве пасля прыезду на радзіму.
Мужчыну абвінавачваюць у "распаўсюдзе экстрэмісцкіх матэрыялаў" і ўдзеле ў акцыях пратэсту ў 2020-м.
Паводле інфармацыі @Grodno_grab, затрыманы — Аляксандр Мазец. Ён скончыў Варшаўскі ўніверсітэт і з'яўляецца адным з заснавальнікаў фірмы, якая займаецца аздабленнем і рамонтам кватэр.
t.me/Grodno_grab/
