У Варшаве прайшла акцыя салідарнасці з Беларуссю (фота)
Яна адбылася на Замкавай плошчы польскай сталіцы.
У акцыі прынялі ўдзел каля 20 чалавек, распавёў Ігар Аскірка:
Аскірка: "Прысутнічае еўрадэпутат Марэк Мігальскі, прысутнічаюць украінцы з украінскімі сцягамі. І людзі стаяць з партрэтамі беларускіх палітвязняў, з плакатам "За нашу і вашу вольнасць".
Акцыя доўжылася каля гадзіны.
Яна была прымеркаваная да трэціх угодкаў разгону мітынгу 19 снежня 2010 года. Нагадаем, што тады спецслужбы затрымалі 9 з 10 кандыдатаў у прэзідэнты і беспрэцэдэнтна жорстка разагналі мітынг пратэсту на плошчы Незалежнасці ў Мінску.
