У суботу ў Беларусі прагназуюць начныя замаразкі да -5

У суботу, 6 траўня, у Беларусі чакаецца пераменная воблачнасць, паведамляе Белгідрамет.

Будзе пераважна без ападкаў, толькі ўначы месцамі па паўднёвым усходзе краіны пройдуць невялікія дажджы. Вецер прагназуецца паўночны, паўночна-ўсходні слабы да ўмеранага.

Уначы на большай частцы тэрыторыі Беларусі чакаюцца замаразкі ад 0 да -5. Месцамі тэрмометры пакажуць 1-3 вышэй за нуль. Удзень паветра прагрэецца да 8-14 са знакам "плюс".