У суботу ў Беларусі чакаецца галалёдзіца, удзень будзе да +3
Галалёдзіца, ілюстрацыйнае фота / pixabay.com
У суботу, 18 лістапада, у Беларусі чакаецца воблачнае з праясненнямі надвор'е, паведамляе Белгідрамет.
Будзе пераважна без ападкаў, толькі па паўднёвым захадзе краіны пройдуць ападкі — у асноўным снег, мокры снег. Уначы і зранку ў асобных раёнах прагназуецца слабы туман. Месцамі чакаецца слабы галалёд, на дарогах галалёдзіца. Вецер будзе ўсходні, паўночна-ўсходні ўмераны.
Тэрмометры ўначы пакажуць 0...-6, месцамі чакаецца 7-9 марозу. Удзень прагназуюць ад -3 да +3.
