У суботу будзе халаднавата, у нядзелю пацяплее

У суботу будзе халаднавата, у нядзелю пацяплее

У суботу, 2 лістапада, у Беларусі чакаецца воблачнае з праясненнямі надвор'е, паведамляе Белгідрамет. 

Будзе пераважна без ападкаў, толькі ўначы ў асобных раёнах па паўночным усходзе краіны, а ўдзень месцамі па Брэсцкай і Гродзенскай абласцях пройдуць невялікія кароткачасовыя дажджы (уначы — з мокрым снегам). Ноччу і раніцай у асобных раёнах краіны прагназуецца туман. Вецер будзе паўднёвы ўмераны, удзень парывісты, месцамі моцны парывісты. 

Уначы чакаецца ад 3 градусаў марозу да 2 цяпла, па паўднёвым усходзе будзе да -5. Удзень паветра прагрэецца да 3-9 вышэй за нуль.

На Дзяды, 3 лістапада, захаваецца воблачнае з праясненнямі надвор'е. Уначы і зранку на большай частцы тэрыторыі, а ўдзень месцамі па краіне пройдуць кароткачасовыя дажджы. Уначы па ўсходзе Беларусі магчымы мокры снег. Вецер прагназуецца паўднёвы ўмераны, уначы і зранку месцамі моцны парывісты. 

Тэрмометры ўначы пакажуць ад нуля да 6 градусаў цяпла. Удзень чакаецца 6-12 вышэй за нуль, па паўднёвым захадзе будзе +13...+15.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі