У сталовай медуніверсітэта кухары абкрадалі порцыі на 40%

У кастрычніку Мінгандлю праверыла 36 аб'ектаў грамадскага харчавання ва ўстановах адукацыі. Парушэнні былі знойдзеныя на кожным аб'екце, паведаміла прэс-служба міністэрства ў каментары агецтву "Інтэрфакс".

Па словах намесніка начальніка Гандальінспекцыі Мінгандлю Кірыла Слабко, пратэрмінаваныя прадукты або без дакументаў, якія пацвярджаюць іх якасць, былі выяўленыя ў 16 школьных і студэнцкіх сталовых Брэсцкай, Віцебскай, Гомельскай і Гродзенскай абласцей і Мінска.

У 9 сталоўках праверкі выявілі, што кухары абдзяляюць порцыі — ад 9% да 16%. А ў сталовай Беларускага дзяржаўнага медыцынскага універсітэта порцыі былі "ўрэзаныя" ажно на 40%.

Акрамя таго, у сталовых некалькіх школ Лельчыцкага і Гомельскага раёнаў выявіліся факты "эканоміі". Прадукты, якія па дакументах ўжо выкарыстаныя для харчавання дзяцей, заставаліся ў наяўнасці. Адпаведную інфармацыю праверкі накіравалі ў Гомельскі аблвыканкам.

Фота — stolovay.ru