У "спіс экстрэмістаў" дадалі Валерыя Цапкалу і яшчэ 19 чалавек
![Валерый Цапкала / Еўрарадыё](/sites/default/files/styles/main_image_watermark_/public/2023-08/capkala-1201.jpg.webp?itok=Ta9_6oUW)
Валерый Цапкала / Еўрарадыё
Міністэрства ўнутраных спраў 28 красавіка пашырыла "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".
У яго дадалі яшчэ 20 чалавек. Цяпер у "спісе экстрэмістаў" — 2755 прозвішчаў.
Спіс папоўнілі прэтэндэнт на прэзідэнцкую пасаду Валерый Цапкала (асуджаны завочна), "рэйкавыя партызаны" Сяргей Пляшкун і Юрый Сельвіч, юрыст Яўген Папакуль, адміністратар суполкі "ЗА АДЗІНУЮ дзяржаўную МОВУ ў Беларусі!" Уладзімір Буцькавец.
Асобна ад МУС свой спіс складаюць у КДБ — там гэта "спіс тэрарыстаў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.