У сераду ўначы будзе да 18 градусаў марозу
19 снежня ў Беларусі будзе воблачна з праясненнямі, інфармуе Белгідрамет.
У асобных раёнах чакаецца невялікі снег. Месцамі будуць слабыя туман і шэрань, на асобных участках дарог галалёдзіца. Вецер прагназуецца паўднёва-ўсходні слабы да ўмеранага.
Уначы слупок тэрмометра пакажа 6-12 ніжэй за нуль, пры праясненнях будзе да 13-18 градусаў марозу. Удзень чакаецца ад -2 па захадзе краіны да -11 па ўсходзе.
