Вы тут

У сераду ў Беларусі прагназуюцца моцныя залевы і навальніцы

Дажджы, навальніцы і шквалісты вецер чакаюцца ў Беларусі / БЕЛТА

У сераду, 29 ліпеня, уначы пераважна па захадзе, а зранку і ўдзень на большай частцы тэрыторыі Беларусі пройдуць кароткачасовыя навальнічныя дажджы. 

Як паведамляе Белгідрамет, месцамі чакаюцца моцныя залевы, днём у асобных раёнах выпадзе град. Вецер будзе паўднёвы, з пераходам на заходні 4-9 метраў за секунду, пры навальніцах яго парывы дасягнуць 14 метраў за секунду. Месцамі ўдзень прагназуюцца шквалістыяае парывы да 15-20 метраў за секунду.

Уначы чакаецца +15...+20, удзень будзе 23-29 цяпла. Па паўднёвым усходзе паветра прагрэецца да 30-31 вышэй за нуль.

У Мінску зранку і ўдзень чакаецца навальніца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.