У рублях кошты на навучанне ў ВНУ выраслі на 4 мільёны, у валюце — на $100!

У БДУІРы, нягледзячы на быццам бы высокія кошты, абітурыенты нават забіраюць дакументы з бюджэтных месцаў, куды прайшлі па балах і перакідаюць іх на платнае — на спецыяльнасць па душы!

“Ёсць грошы ў мінчан, і ў астатніх таксама, у дзяцей укладаюць грошы. У нас жа вельмі папулярныя спецыяльнасці — айцішныя. Трэба ўкласціся, а потым ужо на Мальдзівы, — смяюцца ва ўніверсітэце, але прызнаюць, што пакуль на платнае ідуць “вяла”. — Але гэтак амаль ва ўсіх вузах. Усе чакаюць афіцыйнага залічэння на бюджэт. Тады будзе конкурс, а пакуль што мала, вядома”.

Самая дарагая спецыяльнасць тут — на факультэце кам’ютарных сетак і сістэм. Год навучання каштуе 20,7 мільёнаў рублёў, у мінулым было танней амаль на 4 мільёны.

Мінадукацыі тлумачыць, за кошт чаго фармуюцца кошты на навучанне.

Мінадукацыі: “Кошты вызначаюцца па ўказе кіраўніка дзяржавы №126 “Аб некаторых пытаннях атрымання вышэйшай і сярэдняй адукацыі на платнай аснове”, зыходзячы з неабходных выдаткаў на падрыхтоўку спецыяліста канкрэтнай спецыяльнасці”.

У Віцебскім медуніверсітэце спасылаюцца на той жа ўказ, і дадаюць, што плата пакрывае толькі невялічкую частку выдаткаў.

“Кошт навучання фарміруецца па фактычных выдатках за мінулы год. Сюды ўключаецца стаўка першага разраду і выдаткі на навучанне, уключаючы бюджэт і пазабюджэт”, — кажуць, што, дапрыкладу, сёння кошт на навучанне пакрывае толькі заробкі выкладчыкам ды часткова камунальныя плацяжы. Выдаткі на метадычную літаратуру, аднаўленне матэрыяльнай базы — на гэта не хапае”.

У Віцебскім медуніверсітэце прыкідваюць, наколькі павінна павысіцца аплата за навучанне, каб хапіла на ўсё:

 “Прыкладна на 40-50%”.

Але нягледзячы на даволі высокі кошт, калі б сёння спынілі прыём дакументаў у гэты ўніверсітэт, студэнтаў на платная запіла б.

“У рублях кошт павышаецца, але ў доларах амаль не вырастае. Нашы абітурыенты і іх бацькі прымаюць гэта як неабходнасць”, — кажа намеснік адказнага сакратара прыёмнай камісіі Віцебскага медўінверсітэта Канстанцін Маскалёў.

Параўноўваем кошты ў рублях і доларах. Калі ў рублях навучэнне ў медыцынскіх ВНУ падаражала амаль на 4 мільёны, дык у валюце — максімум на 100 долараў!

Топ самых дарагіх спецыяльнасцяў (1 курс).