У Расію не пусцілі 22 тоны малочнай сыроваткі з Беларусі
Расійскія ветэрынары звярнулі ўвагу на няправільна запоўненыя суправаджальныя дакументы.
У пункце пропуску "Чырвоны Камень" на Браншчыне спынілі ўвоз 22 тон канцэнтраванай малочнай сыроваткі з Беларусі. Пра гэта інфармуе bryansktoday.ru са спасылкай на Федэральную службу па ветэрынарным і фітасанітарным наглядзе Расіі.
Інспектары Рассельгаснагляду выявілі, што беларускі груз перавозілі з ветэрынарнымі суправаджальнымі дакументамі, запоўненымі з парушэннем патрабаванняў.
Усю малочную сыроватку было вырашана вярнуць адпраўніку.
Фота — bryansktoday.ru