У Расіі пацярпеў кракадзіл Федзя, на якога звалілася бухгалтарка
Здарэнне адбылося падчас пераезду на мікрааўтобусе трупы "Савецкага цырка" на выступленне з Мурманска ў Севераморск.
На адным з участкаў дарогі мікрааўтобус падскочыў, 120-кілаграмовая жанчына-бухгалтарка звалілася на падлогу, на двухметровага кракадзіла Федзю, які ляжаў на коўдры. У абодвух быў шок, кажуць сведкі.
Як паведамляе РІА "Новости", трупе давялося вярнуцца ў Мурманск, дзе да Федзі запрасілі ветэрынара. Драпежніку на працягу трох гадзінаў праводзілі дыягностыку. На шчасце, яго органы аказаліся не пашкоджаныя і кракадзіл Федзя зможа выступаць.
Фота — ria.ru
