У пятніцу ў Беларусі прагназуюць снегапады
![Снегапад, ілюстрацыйнае фота](/sites/default/files/styles/gallery_main/public/2023-12/prahn-0712.jpg.webp?itok=bVjEbbMv)
Снегапад, ілюстрацыйнае фота / pixabay.com
У пятніцу, 8 снежня, у Беларусі чакаецца воблачнае з праясненнямі надвор'е, паведамляе Белгідрамет.
Уначы месцамі, а зранку і ўдзень на большай частцы тэрыторыі краіны пройдзе снег. Уначы і зранку месцамі чакаюцца слабыя туман і галалёд, на асобных участках дарог — галалёдзіца. Вецер будзе ўсходні ўмераны.
Тэрмометры ўначы пакажуць 5-10 марозу, пры праясненнях тэмпература паветра панізіцца да 11-14 ніжэй за нуль. Удзень прагназуецца ад -3 па поўдні да -10 па поўначы Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.