Вы тут

У пятніцу ў Беларусі парывы ветру месцамі будуць дасягаць 22 м/с

У Беларусі чакаецца адліга / Ілюстрацыйнае фота БЕЛТА

У пятніцу, 12 сакавіка, у Беларусі парывы ветру месцамі па ўсходзе будуць дасягаць 22 м/с. Амаль па ўсёй краіне прагназуецца 15-20 м/с. З гэтай нагоды сіноптыкі аб'явілі аранжавы ўзровень небяспекі.

Чакаецца, што па ўсёй Беларусі пройдуць снег, мокры снег, які будзе пераходзіць у дождж. Месцамі магчымы моцны снег і завіруха (у тым ліку і ў Мінску).

Уначы тэмпература паветра складзе ад 0 да -6 градусаў (у Мінску — 3-5 марозу, на ўсходзе — да -9), удзень — ад -2 на ўсходзе краіны да +8 на Брэстчыне (у сталіцы — 1-3 цяпла).

У канцы тыдня чакаецца невялікае пацяпленне. На поўдні краіны тэмпература паветра будзе дасягаць 12 градусаў цяпла.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.