У пасажыраў мінскага метро знайшлі 100 нажоў, 145 адзінак рознай зброі
Мінскі метрапалітэн апублікаваў статыстыку за 2016 год. Адначаецца, што падчас дагляду пасажыраў аховай было выяўлена больш за 6600 забароненых для перавозкі рэчаў. Сярод іх былі 145 адзінак рознай зброі і 2500 боепрыпасаў. Таксама ў пасажыраў знайшлі больш за 300 пакункаў піратэхнікі, больш за 100 нажоў, каля 500 газавых балонаў агульным аб'ёмам 1,5 тысячы літараў. Падчас дагляду выявілі больш за тысячу ёмістасцяў з вогненебяспечнымі вадкасцямі (агульны аб'ём склаў 2,2 тысячы літраў).
Дарэчы, за мінулы год метрапалітэн перавёз 291 мільён пасажыраў (каля 800 тысяч штодня). Больш падрабязную статыстыку перавозак гл. тут.
