У нядзелю ў Беларусі будзе мокры снег і галалёдзіца
У бліжэйшыя суткі, 18 снежня, у Беларусі чакаецца хмарнае надвор’е. Уначы ў асобных раёнах, удзень пераважна па паўночна-заходняй частцы краіны чакаюцца невялікія ападкі, у асноўным мокры снег. У асобных раёнах будуць слабыя туман і галалёд. На асобных участках дарог прагназуецца галалёдзіца.
Вецер будзе заходні ўмеркаваны. Тэмпература паветра ўначы складзе ад нуля да мінус 6 градусаў, удзень — ад мінус 3 да плюс 2, перадае БЕЛТА са спасылкай на Белгідрамет.
