У Мінску прайшло развітанне з Мікалаем Дземянцеем
У Мінску прайшло развітанне з Мікалаем Дземянцеем — былым старшынёй Вярхоўнага Савета Беларусі. Дзяржаўны дзеяч памёр 10 ліпеня.
На цырымоніі развітання, якая адбывалася ў Доме афіцэраў, прысутнічалі прадстаўнікі ўраду і іншых уладных структураў, палітычных партыяў і грамадскіх арганізацыяў. У тым ліку ў Дом афіцэраў прыбыў колішні першы сакратар ЦК Кампартыі БССР Мікалай Слюнькоў, паведамляе “Наша Ніва”.
Мікалай Дземянцей увайшоў у гісторыю Беларусі як спікер парламента, пад кіраўніцтвам якога дэпутаты прынялі ў 1990 годзе Дэкларацыю аб дзяржаўным суверэнітэце БССР.
