У Мінску на Нямізе хочуць пабудаваць яшчэ адну царкву
![Царкву плануюць пабудаваць каля тэатра музкамедыі / minsknews.by](/sites/default/files/styles/gallery_main/public/2023-08/chirch_24_07_1.jpg.webp?itok=dKBgb6A9)
Царкву плануюць пабудаваць каля тэатра музкамедыі / minsknews.by
У Мінску на вуліцы Няміга паміж тэатрам музкамедыі і "Беларусбанкам" запланавана будаўніцтва праваслаўнай царквы. Яна будзе называцца ў гонар Казанскай іконы Божай Маці, піша агенцтва"Мінск-Навіны".
У чэрвені прайшло грамадскае абмеркаванне канцэпцыі, а ў ліпені адбылася пасяджэнні архітэктурна-горадабудаўнічага савета, дзе былі падведзены вынікі гэтага абмеркавання. Паведамляецца, што царква будзе 28 на 12 метраў у даўжыню і шырыню і 25 метраў у вышыню. У тлумачальнай запісцы гаворыцца, што раней у Мінску быў такі храм. Яго пабудавалі ў пачатку ХХ стагоддзя ў гонар добрага зыходу чыгуначнай катастрофы, у якую трапіў расійскі імператар Аляксандр III. Гэтая царква праіснавала да 1936 года. У прэзентацыі праекта гаворыцца, што знесены аб'ект уяўляў сабой "гісторыка-культурную каштоўнасць". Акрамя таго, пабудаваць яшчэ адну царкву трэба, таму што ў цэнтры горада мала праваслаўных храмаў, гаворыцца ў дакуменце.
Першапачаткова царква знаходзілася на плошчы Мяснікова, узнавіць яе там не атрымліваецца — не хапае месца. Таму там плануецца размясціць "невялікую капліцу з памятным знакам" і злучыць яе з царквой інфармацыйнымі стэндамі.
![В Минске на Немиге хотят построить еще одну церковь](/sites/default/files/styles/default_image_paragraph/public/paragraphs/image/chirch_24_07_2.jpg.webp?itok=LdPp6d9N)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.