У Мазыры падчас пажару загінулі два пенсіянеры, яшчэ дваіх выратавалі
![У Мазыры падчас пажару загінулі два пенсіянеры, яшчэ дваіх выратавалі](/sites/default/files/styles/gallery_main/public/2023-08/image00008_274518_800x600_mc.jpg.webp?itok=QlIUNyfc)
У Мазыры падчас пажару загінулі два пенсіянеры, яшчэ дваіх выратавалі. Як інфармуе прэс-служба МНС Гомельскай вобласці, здарэнне адбылося пасля 8-й гадзіны раніцы 18 снежня. Узгаранне адбылося ў адной з кватэр на першым паверсе чатырохпавярховага дома. У выніку пажару загінулі 62-гадовая гаспадыня і 78-гадовы мужчына, які быў у яе ў гасцях.
Супрацоўнікі выратавалі з кватэры, у якой адбыўся пажар, 50-гадовага мужчыну, які жыў сумесна з гаспадыняй, а таксама 69-гадовага мужчыну з кватэры на другім паверсе. У апошняга атручванне прадуктамі гарэння і апёкі 50% цела. Сярод версій узнікнення пажару — неасцярожнае абыходжанне з агнём пры курэнні.
![У Мазыры падчас пажару загінулі два пенсіянеры, яшчэ дваіх выратавалі](/sites/default/files/paragraphs/image/image00003274525800x600mc.jpg)
Фота: mchs.gov.by