"Белнафтахім": Мінск і Масква вырашылі ўсе пытанні па транзіце нафты
!["Белнафтахім": Мінск і Масква вырашылі ўсе пытанні па транзіце нафты](/sites/default/files/styles/gallery_main/public/2023-08/000021_1546593787_331585_big.jpg.webp?itok=3VVOpYNc)
20 траўня ў Маскве ў кампаніі "Транснафта" прайшлі беларуска-расійскія перамовы па нафтавай тэматыцы. У іх удзельнічаў намеснік міністра энергетыкі Расіі Павел Сарокін. Старшыня канцэрна "Белнафтахім" Андрэй Рыбакоў заявіў, што паміж Мінскам і Масквой не засталося няўзгодненых пытанняў, якія б заміналі дарожнай карце па ўрэгуляванні сітуацыі з пастаўкамі расійскай нафты. "Ёсць нюансы тэхнічнага характару", — цытуе словы Рыбакова БЕЛТА.
Праблема ўзнікла пасля патраплення ў нафтаправод "Дружба" забруджанай нафты. Былі спынены яе пастаўкі і ў Беларусь, і ў іншыя краіны Еўропы. У Мінску падлічваюць страты.