У Латвіі шукаюць магчымасці забараніць аўтамабілі з беларускай рэгістрацыяй
Беларускі аўтамабільны нумар / Latvijas Televīzija
У Латвіі не адмовіліся ад ідэі абмежаваць рух аўтамабіляў з беларускімі нумарамі. Пра гэта ў эфіры Латвійскага радыё заявіла міністр юстыцыі Інэсэ Лібіня-Эгнерэ.
На яе думку, расіяне могуць атрымліваць аўтамабільныя нумары ў Беларусі і вяртацца ў Латвію ўжо на беларускіх нумарах.
Міністр юстыцыі кажа, што ад пачатку прапаноўвала аднолькавыя санкцыі супраць аўтаўладальнікаў з Беларусі і Расіі. Аднак гэтую прапанову адхіліла працоўная група, якая распрацоўвала пастанову. Распрацоўшчыкі спасылаліся на тое, што ЕС пастанавіў канфіскоўваць толькі аўтамабілі з расійскай рэгістрацыяй.
Як паведамляла Еўрарадыё, на пачатку лістапада латвійскі Сейм забараніў з 14 лютага перамяшчэнне машын з расійскімі нумарамі. Аўтамабілі, якія цяпер знаходзяцца на тэрыторыі Латвіі, абавязаныя выехаць з краіны або перарэгістравацца.
