Сілавікі прыйшлі да сваякоў заснавальніка маркетплэйса "Kamaroŭka"
Маркетплэйс "Kamaroŭka" / kamarouka.com
Сілавікі ў Беларусі прыйшлі да сваякоў заснавальніка маркетплэйса "Kamaroŭka" Змітра Завадскага, Вольгі Касянчук і былой валанцёркі. Пра гэта Завадскі сам напісаў на сваёй старонцы ў Фэйсбуку.
Ён адзначае, што візіты сілавікоў пачаліся пасля таго, як платформу прызналі "экстрэмісцкім фармаваннем", а праект пачаў выходзіць у плюс.
Паводле Завадскага, сілавікоў цікавілі месца яго прапіскі, суседзі, мама і брат. Учора яны прыйшлі нават да далёкіх сваякоў, з якімі ён не бачыўся каля 15 гадоў.
Міжнародную платформу беларускага гандлю "Kamaroŭka" рэжым Лукашэнкі дадаў у спіс "экстрэмісцкіх фармаванняў" сёлета ў ліпені.
