У Лагойскім раёне перакулілася маршрутка з пасажырамі
![На месцы здарэння](/sites/default/files/styles/gallery_main/public/2024-01/445.jpg.webp?itok=yaS0Sn77)
На месцы здарэння / t.me/rodnykraj/
У Лагойскім раёне Мінскай вобласці перакулілася маршрутка "Мінск — Калачы — Мядзел" з пасажырамі. Як паведамляе logoysk.by, здарэнне адбылося каля вёскі Вяпраты. Даішнікі кажуць, што вадзіцель не ўлічыў умовы надвор'я і ў нейкі момант не справіўся з кіраваннем. У выніку мікрааўтобус з'ехаў у кювет па ходзе руху, дзе перакуліўся.
У салоне знаходзіліся 9 пасажыраў. 8 з іх не пацярпелі і змаглі самастойна пакінуць салон. Пацярпела пенсіянерка з Гомельскага раёна, якая не была прышпіленая рамянём бяспекі і атрымала траўмы рознай ступені цяжкасці. Яе шпіталізавалі.
Аварыі з маршруткамі ў Беларусі адбываюцца амаль штодня. Папярэдні выпадак быў у Оршы, дзе пацярпелі 6 чалавек.
![У Лагойскім раёне перакулілася маршрутка з пасажырамі](/sites/default/files/styles/default_image_paragraph/public/paragraphs/image/446_6.jpg.webp?itok=M5cqpW0H)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.