У Крычаў прывезлі васковых Пуціна і Сталіна
"Імперскі" комплекс у Крычаве / mogilev.media
У Крычаў прыехаў забаўляльны комплекс з Расіі з васковымі фігурамі Пуціна і Сталіна, піша "Магілёў.Media". Гэты комплекс прыязджаў у мясцовы парк Перамогі летась у кастрычніку, а цяпер вярнуўся.
У ім ёсць дзіцячыя каруселі накшталт машынак, якімі можна кіраваць, і слонікаў, на якіх можна пакатацца.
Асаблівую ўвагу звяртае выстава васковых фігур пад назвай "Імперыя" з выявай двухгаловага расійскага арла. Акрамя Сталіна і Пуціна там можна пабачыць васковыя фігуры іншых кіраўнікоў Расійскай імперыі ды Савецкага Саюза.
Як піша мясцовае выданне, вялікага ажыятажу "імперскі" комплекс у крычаўцаў не выклікае.
