У Казахстане прэзідэнта будуць абіраць на 7 год, але толькі на адзін тэрмін
Парламент Казахстана сабраўся на пазапланавае пасяджэнне, каб прыняць папраўкі ў Канстытуцыю, паведаляе выданне vlast.kz. Адна з паправак тычыцца абмяжавання тэрміну прэзідэнцтва. Цяпер кіраўніка краіны будуць абіраць адзін раз на сем гадоў без права наступнага пераабрання. У законапраекце таксама ёсць норма, якая забараняе змяняць тэрмін паўнамоцтваў прэзідэнта і абмежаванні па яго абранні.
Яшчэ адна з паправак ў Канстытуцыю вяртае былую назву сталіцы Казахстана. Цяпер яна зноў будзе называцца Астана, а не НурСултан.
