У Гомельскай вобласці падчас спробы распілаваць снарад загінуў мужчына
Наступствы дэтанацыі снарада / @skgovby
У аграгарадку Журавічы (Рагачоўскі раён Гомельскай вобласці) падчас спробы распілаваць снарад часоў Другой сусветнай вайны загінуў мужчына. Пра гэта паведамляе прэс-служба Следчага камітэта. Інцыдэнт адбыўся 13 верасня.
У СК кажуць, што мужчына быў дома і "з дапамогай вуглашліфавальнай машыны распілоўваў стары боепрыпас, як мяркуецца, артылерыйскі снарад часоў ВАВ". Снарад здэтанаваў, і мужчына атрымаў траўмы, несумяшчальныя з жыццём.
У СК сцвярджаюць, што загінулы быў "чорным капачом". Яму было 53 гады.
