У Гомелі выйшаў на волю Васіль Палякоў, ён трымаў галадоўку за кратамі

У Гомелі выйшаў на волю грамадскі дзеяч Васіль Палякоў. Ён быў затрыманы ў пачатку лістапада і двойчы асуджаны на 15 сутак арышту за "распаўсюд экстрэмісцкіх матэрыялаў".

Як паведамляе @viasnaHomel, падчас зняволення Палякоў трымаў галадоўку "на знак пратэсту супраць беспадстаўнага палітычнага пераследу".

Васілю Палякову 54 гады. Ён палітолаг паводле адукацыі. З 2006 года быў кіраўніком Гомельскай абласной арганізацыі Аб’яднанай грамадзянскай партыі, з 2012 году — намеснікам старшыні АГП. У 2018-м Палякоў амаль тры месяцы кіраваў партыяй, але не саправіўся з яе праблемамі і пайшоў у адстаўку.