У Гомелі мітрапаліта Паўла сустрэлі дываном з жывых кветак
У Гомелі мітрапаліта Паўла сустрэлі дываном з жывых кветак. Дарожку на некалькі дзясяткаў метраў выклалі ад уваходу ў парк адпачынку да ганка Петрапаўлаўскага сабора. Фотаздымкі з цырымоніі сустрэчы патрыяршага экзарха ўсяе Беларусі выклала на сваім сайце Гомельская епархія.
Мітрапаліт Павел прымаў удзел у святочнай літургіі, прысвечанай урачыстасцям з нагоды 100-годдзя з дня нараджэння прэпадобнай Манефы Гомельскай.
