У Чарнобыльскай зоне ўкраінская паліцыя затрымала беларускіх сталкераў
У Чарнобыльскай зоне ўкраінская паліцыя затрымала некалькіх сталкераў, у тым ліку замежнікаў. Пра гэта паведамляе ўпраўленне Нацыянальнай паліцыі па Кіеўскай вобласці.
Каля пераселенай вёскі Церахі былі затрыманыя два 27-гадовыя беларусы. Сталкеры прыбылі ў Чарнобыльскую зону дзеля экстрэмальнага турызму.
Каля пераселенага горада Прыпяць украінскія паліцыянты затрымалі двух 23-гадовых жыхароў Кіеўшчыны і двух 24-гадовых грамадзян Літвы.
На ўсіх парушальнікаў склалі адміністрацыйныя пратаколы. Парушальнікам пагражаюць штрафы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
