Беларусь перыядычна ўключае рэтранслятары для расійскіх дронаў — памежная служба Украіны
Вышка мабільнай сувязі, ілюстрацыйнае фота / pixabay.com
У Беларусі перыядычна ўключаюць рэтранслятары, якія ўзмацняюць сігнал для расійскіх беспілотнікаў падчас атак па Украіне. Пра гэта спікер Дзяржаўнай памежнай службы Украіны Андрэй Дземчанка заявіў у каментары Novyny.Live.
Паводле яго, рэтранслятары ўключаюць, у прыватнасці, для расійскіх удараў па заходніх рэгіёнах Украіны, у тым ліку па ўкраінска-польскім памежжы.
"Уласна, Беларусь не проста застаецца ў сферы ўплыву Расіі, але і працягвае аказваць максімальную падтрымку ў яе ўдарах па Украіне", — падкрэсліў Дземчанка.
Раней прадстаўнік украінскай памежнай службы паведамляў, што расійскі ўдар па пункце пропуску Ягадын на ўкраінска-польскай мяжы адбыўся дзякуючы рэтранслятарам, уключаным у Беларусі. Яны дапамагаюць расійскім дронам заляцець углыб украінскай тэрыторыі.
