У чацвер у Беларусі будзе да 12 градусаў цяпла, пераважна без ападкаў

У чацвер, 21 сакавіка, у Беларусі будзе пераважна без ападкаў. Уначы і раніцай у асобных раёнах магчымыя туман і слабы галалёд.

У начныя гадзіны тэмпература паветра складзе ад -4 да +2 градусаў (у Мінску — ад 0 да -2), у дзённыя гадзіны — ад +6 да +12 (у сталіцы — 8-10 цяпла).

На пятніцу прагназуюцца невялікія кароткачасовыя дажджы. Уначы будзе ад -3 на ўсходзе да +5 на захадзе, удзень — да 13 цяпла. У суботу крыху пацяплее, а дажджоў стане больш.