У цэнтры Волагды з'явіцца скульптурная кампазіцыя "Песняры"
![Макет скульптурнай групы "Песняры" ў Волагдзе](/sites/default/files/styles/gallery_main/public/2024-09/vologda.jpg.webp?itok=XzBL5QxJ)
Макет скульптурнай групы "Песняры" ў Волагдзе
У цэнтры расійскага горада Волагда з'явіцца скульптурная група, прысвечаная "Песнярам". Пра беларускі ВІА, які заспяваў пра "резной палисад" у "Вологде-где-где-где-где", згадалі ў межах святкавання 880-годдзя абласнога цэнтра.
"Песняры" — адна з васьмі бронзавых фігур і кампазіцый, якія ўсталююць у Волагдзе. Усе яны не будуць мець пастаментаў — каб было зручна з імі фатаграфавацца.
Месца для скульптурнай групы "Песняры" знайшлося на ромбападобнай плошчы на скрыжаванні вуліц Мальцава і Благавешчанскай. Побач будуць усталяваныя "Букет", "Валагодскае вяселле" і "Гарманіст".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.