У Мінску на продаж выстаўлена кватэра Уладзіміра Мулявіна
![Памятная дошка на доме Уладзіміра Мулявіна / realt.by](/sites/default/files/styles/gallery_main/public/2023-08/mulavin_dom_4_08.jpg.webp?itok=Pk3DoClq)
Памятная дошка на доме Уладзіміра Мулявіна / realt.by
На сайце Realt.by, якія спецыялізуецца на тэме нерухомасці, з'явілася аб'ява аб продажы "той самай кватэры, у якой увесь час жылі народны артыст СССР і Беларусі, заснавальнік і мастацкі кіраўнік вакальна-інструментальнага ансамбля "Песняры", спявак і кампазітар Уладзімір Георгіевіч Мулявін і яго сям'я". Гаворка ідзе пра кватэру, размешчаную па адрасе вуліца Леаніда Бяды, 13. На будынку усталявана памятная дошка ў гонар музыканта.
Да аб'явы аб продажы кватэры прымацаваныя толькі фота дома, двара і пад'езда. Фотаздымкаў самой кватэры няма. Але паведамляецца, што на падлозе ляжыць лінолеўм, вокны — драўляныя, ўваходныя дзверы — металічныя і "патрабуецца рамонт". Прадавец просіць за кватэру ў 65,2 кв м з двума вялікімі лоджыямі 72,5 тысяч долараў у рублёвым эквіваленце.
Нагадаем, Уладзімір Мулявін у траўні 2002 года трапіў у цяжкую аварыю пад Мінскам. З-за пералому хрыбетніка апынуўся цалкам абезрухоўлены. Праз 8 месяцаў, 26 студзеня 2003 года, ён памёр у маскоўскай клініцы. Пахаваны ў Мінску на Усходніх могілках. А ў 2016 годзе памерла яго ўдава — актрыса Святлана Пенкіна.
![В Минске на продажу выставлена квартира Владимира Мулявина](/sites/default/files/styles/default_image_paragraph/public/paragraphs/image/mulavin_dom_4_08_2.jpg.webp?itok=u8gclYMi)
![В Минске на продажу выставлена квартира Владимира Мулявина](/sites/default/files/styles/default_image_paragraph/public/paragraphs/image/mulavin_dom_4_08_3.jpg.webp?itok=qi4Poo-Z)
![В Минске на продажу выставлена квартира Владимира Мулявина](/sites/default/files/styles/default_image_paragraph/public/paragraphs/image/mulavin_dom_4_08_4.jpg.webp?itok=Cm5DxnzC)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.