У брэсцкае "Дынама" вярнуўся Сяргей Кісляк
Сяргей Кісляк зноў у Брэсце / vk.com/dynamobrest
У брэсцкае "Дынама" вярнуўся Сяргей Кісляк. Паўабаронца падпісаў кантракт, разлічаны да канца сезона 2023 года (з магчымасцю працягнення яшчэ на адзін год), піша dynamo-brest.by.
Кісляку 35 гадоў. У апошнія два сезоны ён выступаў за мінскае "Дынама", у 35 матчах забіў 5 галоў. Са сталічнай каманды сышоў у якасці свабоднага агента. За брэсцкае "Дынама" футбаліст выступаў у 2018-2020 гадах, у 2019-м стаў чэмпіёнам Беларусі. Сяргей Кісляк быў гульцом нацыянальнай зборнай Беларусі, самы яго вядомы гол — у 2010-м у Парыжы ў браму зборнай Францыі (сенсацыйная перамога — 1:0).
У Брэсце сёлета фармуецца новая каманда. Новы галоўны трэнер Ігар Крывушэнка побач з моладзю хоча пабачыць і шэраг вопытных футбалістаў.
