У Брэсце памерла пацыентка медцэнтра "ЛАДЭ"

Як піша tomin.by, 19 траўня маладая жанчына звярнулася ў медцэнтр, дзе ёй рабілі дыягнастычную лекавую маніпуляцыю. Падчас прыёму пацыентцы стала дрэнна.

Занепакоеныя нестандартнай сітуацыяй супрацоўнікі выклікалі "хуткую". Хворай спрабавалі аказаць дапамогу на месцы, але ў яе, як мяркуюць, здарыўся анафілактычны шок.

жанчыну даставілі ў бліжэйшую лякарню на вуліцы Леніна. Лекары рэанімацыйнага аддзялення змагаліся за яе жыццё. Але каля 6 гадзін раніцы 20 траўня жанчына памерла.

Праверкай па факце няшчаснага выпадку займаецца Следчы камітэт.

 
Дзяўчыне быў 21 год. Пазней стала вядома, што імя памерлай — Ірына Тромза.

Сяброўка памерлай брэстаўчанкі: У медцэнтры хацелі ўсё выправіць самі

У “Ладэ” называюць невуцтвам інфармацыю пра віну лекараў у смерці пацыенткі

Фота — з сацыяльных сетак