Сяброўка памерлай брэстаўчанкі: У медцэнтры хацелі ўсё выправіць самі

Сняжана распавяла, што дзяўчына звярнулася ў медцэнтр, бо не магла зацяжарыць.

Сняжана: "Яна не магла зацяжарыць і пайшла ў Ладэ. Ёй увялі ўкол, і пасля гэтага ёй стала кепска. Яны спачатку самі спрабавалі ўсё зрабіць. А ў выніку "хуткую" выклікалі, думаю, толькі праз две гадзіны".

Як паведамляла Еўрарадыё, 21-гадовая Ірына Тромза памерла 20 траўня пасля візіту ў медцэнтр "ЛАДЭ" ў Брэсце. Верагоднай прычынай смерці называюць анафілактычны шок.

"Гэта будзе разгалошванне ўрачэбнай таямніцы і я не магу нічога распавядаць пра пацыяента", — сказаў Еўрарадыё галоўны ўрач Брэстскай бальніцы хуткай дапамогі.

Каментаваць інфармацыю, пра тое, што ў медцэнтры выклікалі хуткую толькі праз 2 гадзіны, ён не стаў, але сказаў, што "гэта не так".

"Усе званкі зафіксаваныя, час прыезду зафіксаваны ва ўсіх. І гэтым займаецца Следчы камітэт", — сказаў Еўрарадыё галоўны ўрач.