У Беларусі знайшлі новае радовішча нафты
![Нафта з новага радовішча / belorusneft.by](/sites/default/files/styles/gallery_main/public/2023-08/neft_31_08.jpg.webp?itok=0iqBrEjL)
Нафта з новага радовішча / belorusneft.by
Новае нафтавае радовішча адкрылі ў Рэчыцкім раёне, піша БЕЛТА са спасылкай на намесніка генеральнага дырэктара "Беларуснафты" па геалогіі Пятра Поўжыка. Радовішча назвалі Усходне-Някрасаўскае.
Раней тут выявілі падсалявую структуру. Пачалася сейсмаразведка, яе праводзілі на плошчы каля 150 кв. км. Пры свідраванні ў нейкі момант "атрымалі прамысловы прыток нафты дэбітам каля 30 кубаметраў за суткі", распавёў Поўжык. Новае радовішча яшчэ павінны паставіць на дзяржбаланс і падлічыць запасы вуглевадародаў у ім. Паводле папярэдняй ацэнкі, яны складаюць не менш за 200 тыс. т.
Адзначым, што нафту ў Беларусі ў абмежаваных колькасцях здабываюць з сярэдзіны 60-х гадоў ХХ стагоддзя. Адкрытыя больш за 90 радовішчаў. Летась "Беларуснафта" здолела здабыць рэкордныя больш за 1,8 мільёна тон уласнай нафты. Пры гэтым Беларусь штогод вымушана закупляць у Расіі для сваіх НПЗ яшчэ каля 25 млн т.
Расійскі рэсурс neftegaz.ru, падводзячы вынікі працы "Беларусьнафты" за мінулы год, адзначаў, што "практычна ўся разведаная нафта ў Беларусі з'яўляецца цяжказдабывальнай, а эксплуатаваныя радовішчы знаходзяцца ў позняй стадыі распрацоўкі".
![В Беларуси нашли новое месторождение нефти](/sites/default/files/styles/default_image_paragraph/public/paragraphs/image/neft2_31_08.jpg.webp?itok=r3hm99zw)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.