У Беларусі злавілі чатырох п'яных кіроўцаў-міліцыянтаў
Адзін з іх "пагарэў" у першы месяц пасля пачатку дзеяння больш жорсткага закона ў адносінах гэтай катэгорыі парушальнікаў.
Іншых трох злавілі за апошні тыдзень лістапада. У Жыткавічах на Гомельшчыне ў стане алкагольнага ап'янення асабістым аўтамабілем кіраваў міліцыянт-канваір ізалятара часовага ўтрымання мясцовага РАУС. Старшына служыць у органах унутраных спраў ужо чатыры гады. Ад праходжання медасведчання ён адмовіўся, але гэта беларускім заканадаўствам ацэньваецца як прызнанне сваёй віны, адзначае "Ежедневник".
Нагадаем, Закон аб канфіскацыі аўтамабіля ў п'яных кіроўцаў пачаў дзейнічаць з 24 кастрычніка. Ужо прайшлі першыя судовыя працэсы і адбыліся канфіскацыі аўтамабіляў.
У Беларусі прададуць першы канфіскаваны ў п'янага кіроўцы легкавік (відэа)
