У Беларусі затрымліваюць людзей, якія падтрымліваюць Украіну — Генштаб УСУ

За сцяг, пашыты з украінскага і нацыянальнага беларускага сцягоў, у кастрычніку ў Мінску затрымалі 6 чалавек / Скрыншот з відэа МУС
За сцяг, пашыты з украінскага і нацыянальнага беларускага сцягоў, у кастрычніку ў Мінску затрымалі 6 чалавек / Скрыншот з відэа МУС

Беларусь працягвае падтрымліваць узброеную агрэсію Расіі супраць Украіны. Пра гэта гаворыцца ў ранішняй зводцы Генштаба УСУ. Рэспубліка дае расійскім вайскоўцам інфраструктуру, тэрыторыю і паветраную прастору.

Украінскім вайскоўцам таксама стала вядома, што на базе беларускіх памежных войскаў ствараюцца падраздзяленні аператараў ударных беспілотнікаў. Нагадаем, раней Расія атакавала Украіну з дапамогай дронаў-камікадзэ, якія выляталі з тэрыторыі Беларусі. Хоць за паўтара тыдня да гэтага кіраўнік беларускага КДБ Іван Тэртэль назваў "фэйкам" інфармацыю, што "ў нас іранскія дроны, што ў нас рыхтуюцца ўдары ледзь не на тэрыторыю Украіны".

У Генштабе УСУ таксама адзначаюць, што беларускія сілавікі "актывізавалі захады па пошуку, выяўленні і затрыманні грамадзян з праўкраінскай пазіцыяй", а таксама тых, хто крытыкуе ўрад або так званую спецыяльную ваенную аперацыю ВС РФ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі