Расіяне выпусцілі з тэрыторыі Беларусі па Украіне каля 10 дронаў-камікадзэ
![Дрон-камікадзэ "Shahed 136" / imamedia.org](/sites/default/files/styles/gallery_main/public/2023-08/schached_25_10.jpg.webp?itok=VHnelpIa)
Дрон-камікадзэ "Shahed 136" / imamedia.org
У Кіеве і вобласці сёння аб'явілі паветраную трывогу, піша "Украінская праўда". У гэтым кірунку расіяне запусцілі каля 10 дронаў-камікадзэ. Беспілотнікі вылецелі з тэрыторыі Беларусі, сцвярджае начальнік службы сувязяў з грамадскасцю Паветраных сіл УСУ, палкоўнік Юрый Ігнат.
"Імавернасць удараў у тым ліку "Шахедамі" ёсць — яны іх маюць і на поўдні краіны, і ў Расіі, і на тэрыторыю Беларусі завезлі. Яны не ўпершыню атакуюць Кіеў менавіта з беларускага кірунку — яны па рэчышчы Дняпра ляцяць", — заявіў Ігнат.
Сёння ва Украіну прыбыў прэзідэнт Германіі Франк-Вальтэр Штайнмаер. Кіеў разлічвае атрымаць ад Берліна абяцаныя ўстаноўкі СПА. Адну сістэму IRIS-T Украіна атрымала ў пачатку кастрычніка. Але ўсяго іх абяцалі чатыры.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.