У Беларусі яшчэ 9 чалавек прызнаныя палітвязнямі
Большасць новых палітвязняў атрымала тэрміны за абразу Лукашэнкі ці прадстаўніка ўлады
Праваабаронцы прызналі палітвязнямі яшчэ 9 чалавек. Гэта Аляксандр Гаўрыленка з Магілёва, асуджаны за каментар аб перастрэлцы ў мінскай кватэры і гібелі супрацоўніка КДБ (прысуджаны да двух гадоў калоніі); а таксама Аляксандр Нікалаеў, Сяргей Васільеў, Андрэй Каваленка, Мікалай Яромскі, Сяргей Сак, Вячаслаў Смірноў, Ягор Леўчык і Наталля Васілевіч.
Большасць з іх ужо асуджаныя. І большасць — толькі за абразу Аляксандра Лукашэнкі ці прадстаўніка ўлады. Наталля Васілевіч і Ягор Леўчык— яшчэ пад следствам, але іх таксама абвінавачваюць у абразе Лукашэнкі.
Агульная колькасць палітвязняў у Беларусі павялічылася да 982.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.