У Беларусі ўпершыню правялі аперацыю па адначасовай перасадцы сэрца і лёгкіх
![У Беларусі ўпершыню правялі аперацыю па адначасовай перасадцы сэрца і лёгкіх](/sites/default/files/styles/gallery_main/public/2023-08/1063401991fotolia.jpg.webp?itok=kGO357Tl)
У Беларусі ўпершыню праведзена аперацыя па адначасовай трансплантацыі сэрца і лёгкіх. Гэтае дасягненне беларускіх хірургаў называюць сенсацыйным, інфармуе тэлеканал АНТ.
Як паведаміў дырэктар РНПЦ "Кардыялогія", галоўны пазаштатны кардыёлаг Міністэрства аховы здароўя Беларусі Аляксандр Мрочак, унікальная дзевяцігадзінная аперацыя была выкананая 2 лістапада ў Мінску брыгадай прыкладна з дваццаці лекараў пад кіраўніцтвам акадэміка Юрыя Астроўскага.
Аперацыю зрабілі 32-гадоваму мужчыне, які мае прыроджаны парок сэрца, што прывёў да высокай лёгачнай гіпертэнзіі. Як адзначае БелаПАН, ён паступова ідзе на папраўку.
У Беларусі на сённяшні дзень у спісе чакання на трансплантацыю комплексу сэрца-лёгкія або лёгкіх з карэкцыяй пароку клапанаў сэрца знаходзіцца 15 чалавек.