У Беларусі павышаюць кошты на чыгуначны праезд унутры краіны

У Беларусі павышаюць кошты на чыгуначны праезд унутры краіны

Квіткі на чыгуначны праезд унутры Беларусі падаражэюць на 5-15%, паведамляе прэс-служба Міністэрства антыманапольнага рэгулявання і гандлю (МАРГ).

Кошты на праезд у цягніках рэгіянальных і міжрэгіянальных ліній павялічацца ў залежнасці адлегласці перавозкі. Напрыклад, праезд у бізнэс-класе па маршруце Мінск-Орша стане даражэйшым на 43 капейкі, Мінск-Бабруйск — на 35. Пасажырам электрычак за праезд ад Мінска да Маладзечна давядзецца заплаціць на 17 капеек больш. 

На цягніках гарадскіх ліній праезд у межах аднаго тарыфнага пояса падаражэе на 15 капеек, а ў межах двух тарыфных паясоў — на 30 капеек.

У МАРГ кажуць, што насельніцтва не кампенсуе нават 14% выдаткаў на чыгуначныя перавозкі. Пры гэтым чыгунка не атрымлівае бюджэтныя субсідыі на перавозкі пасажыраў.

У папярэдні раз тарыфы на чыгуначныя праезд павышаліся ў снежні 2020 года.

Пастанова набывае моц праз 5 дзён пасля афіцыйнага апублікавання.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі