У Беларусі патаннее аўтамабільнае паліва
Аўтамабілі ў цэнтры Мінска / З архіву Еўрарадыё
У Беларусі патаннее на 1 капейку аўтамабільнае паліва. Цэны зменяцца з 7 сакавіка, паведамляе "Белнафтахім". Папярэдні раз цэны на паліва змяняліся ў нашай краіне ў чэрвені 2022 года, калі яно падаражэла на традыцыйныя 2 капейкі (падаражанне было 18-м за год).
Ад аўторка цэны за літр аўтамабільнага паліва будуць наступныя:
АІ-92 — 2,35рубля;
АІ-95 — 2,45 рубля;
АІ-98 – 2,67 рубля;
дызельнае паліва — 2,45 рубля.
Прычыны змены коштаў на аўтамабільнае паліва "Белнафтахім" ніяк не патлумачыў.
