У Беларусі зноў падаражэе аўтамабільнае паліва
У Беларусі зноў падаражэе аўтамабільнае паліва — на традыцыйныя 2 капейкі. Гэта анансаваў "Белнафтахім".
Ад 28 чэрвеня цэны за літр будуць наступныя:
АІ-92 — 2,36 рубля;
АІ-95 — 2,46 рубля;
АІ-98 – 2,68 рубля;
дызельнае паліва — 2,46 рубля.
Ад пачатку 2022 года гэта ўжо 18-е павышэнне цэн на аўтамабільнае паліва ў Беларусі.
Папярэдняе падаражанне адбылося 21 чэрвеня. Раней "Белнафтахім" тлумачыў прычыны, апошнім часам тлумачэнняў ужо няма.
