У Беларусі пачалася адпраўка прызыўнікоў на службу
Прысягу салдаты дадуць 20 лістапада / БЕЛТА
У Беларусі пачалася адпраўка ў войска грамадзян, прызваных на тэрміновую ваенную службу і службу ў рэзерве, паведамляе Мінабароны.
У першы дзень на службу накіраваныя каля 1 тысячы прызыўнікоў. Усяго ў кастрычніку-лістападзе ў войскі прыбудуць каля 10 тысяч чалавек, яшчэ каля 200 чалавек будуць служыць у рэзерве. Усё новае папаўненне пройдзе двухтыднёвую ізаляцыю. Прысягу салдаты дадуць 20 лістапада.
На прызыўныя камісіі восенню выклічуць каля 60 тысяч юнакоў.
